АТГ-аас нүүрсний хэрэгт холбогдуулан 17 хүний нэр зарласны дунд УИХ-ын долоон гишүүн бий. Тэдний тав нь УИХ дахь МАН-ын бүлгийн гишүүн А.Анандбазар, Н.Наранбаатар, Б.Баттөмөр, Ц.Сэргэлэн, Ш.Раднаасэд нар.
Тэд нэр нь зарлагдсанаас хойш өөрсдийгөө нэр, гар цэвэр хэмээн өмөөрч эхэлсэн ч АТГ-ынхан хуулийн дагуу мэдүүлэг авч эхэлсэн байна. Намын бусад гишүүдтэйгээ барьцаж, нүүрсний хулгайд холбогдсон өөр хүмүүсээ зарла хэмээн том дуугарч байсан гишүүд өчигдрөөс мэдүүлэг эхэлж байгаа нь намын даргынх нь лүндэнтэй холбоотой ч байж болох юм.
Учир нь, Ерөнхий сайд МАН-ын дарга Л.Оюун-Эрдэнэ бүлгийн хуралдаандаа нүүрсний хулгайтай холбоотой асуудлаар гишүүддээ мэдээлэл өгөх үеэр хэрэгт холбогдсон хүмүүс өөрсдийн хүсэлтээр шалгуулахыг үүрэгдсэн билээ.