Хөгжлийн банкны хэрэгт прокурорын байгууллагаас нийт 79 хүнийг яллагдагчаар татсан билээ. УИХ-ын гишүүн Ё.Баатарбилэг, Х.Ганхуяг, Н.Алтанхуяг, Г.Амартүвшин нар Хөгжлийн банкны хэрэгт нэр холдбогдсон бөгөөд тэдэнд холбогдох хэргийг АТГ, цагдаагийн байгууллагын мөрдөгчид шалгаж дуусаад прокурорт шилжүүлсэн байна. Прокурорын байгууллагаас уг хэрэгт яллах дүгнэлт үйлдэн шүүхэд шилжүүлэхэд бэлэн болжээ.
Улсын ерөнхий прокурорын зүгээс дээрх 4 гишүүний бүрэн эрхийг түдгэлзүүлэх асуудлыг УИХ-д 2022 оны дөрөвдүгээр сард танилцуулсан боловч УИХ-ын Халдашгүй байдлын дэд хороо шаардлагагүй гэж үзсэнээр МАН үндсэн дүрмийнхээ дагуу өөрийн гишүүн Ё.Баатарбилэг, Х.Ганхуяг, Г.Амартүвшин нарыг намаас хассанд тооцсон байгаа билээ.
