Олон нийтийн сүлжээнд үзэл бодлоо чөлөөтэй илэрхийлж, гар утсаараа шууд дамжуулалт хийдэг иргэн Д.Мөнх-Эрдэнийг нэг сарын хугацаанд цагдан хорьжээ. Иргэн Д.Мөнх-Эрдэнэ нь удаа дараа хүн доромжлох, зөвшөөрөлгүй зураг бичлэг хийх, төрийн албаны ажилд саад учруулсан зэрэг үйлдлүүд гаргасан ажээ. Түүнийг цагдаагийн байгууллагаас мэдүүлэг авахаар 2022 оны арван хоёрдугаар сарын 18-ны өдөр мөрдөгчийн дуудан ирүүлэх хуудсыг мөрдөгч өөрийн биеэр хүргэх явцад цагдаагийн алба хаагчийн тавьсан шаардлагыг эсэргүүцжээ.
Мөн архи согтууруулах ундааны зүйл хэтрүүлэн хэрэглэсэн үедээ бусдыг доромжлох, танхайрах үйлдэл гаргасан тул түүнийг арван хоёрдугаар сарын 18-ны өдрийн 17 цаг 50 минутад эрүүлжүүлэх, саатуулах төвд хүргэн согтолтын зэргийг шалгахад 4.02 хувийн согтолттой байсан тул албадан эрүүлжүүлсэн байна. эг сар цагдан хорих таслан сэргийлэх арга хэмжээ авах шийдвэрийг Сүхбаатар дүүргийн эрүүгийн хэргийн анхан шатны шүүхээс өчигдөр /2022.12.19/ гаргажээ.
