УИХ-ын гишүүн Ш.Раднаасэд: Бид нар энд жагсаал тараах гээд хууль батлаад сууж байх хооронд хулгайч нар чинь зугтааж байна. ‘Бодь Интернэшнл’ чинь Богдхан төмөр замыг нэг км-ийг нь 11 сая ам.доллароор барина гэсэн гэрээгээ устгаад, санамж бичиг байгуулсан гээд мэдүүлэг өгөөд явж байна. Ийм л байна. Жинхэнэ хулгайч нар чинь нуугдаж үлдэж байна. Хугацаа өгч байна. УИХ гадаад, дотоод бүх асуудлыг хэлэлцэх бүрэн эрхтэй. Гэтэл ингээд хараад, дуугүй суугаад байх уу.
Нэг км төмөр замыг харилцан адилгүй өртгөөр барьж мөнгө идэж, ууж байгаа. Тавантолгой-Зүүнбаян нэг сая ам.доллар, Тавантолгой-Гашуунсухайт таван сая ам.доллар, Богдхан 11 сая ам.доллароор барьж байна. Ийм харилцан адилгүй ингэж идэж, ууж болох юм уу. Үүнийг та нар хүлээн зөвшөөрч байгаа юм уу. Та нар энэ хулгайгаа тасдаж чадахгүй бол 2024 онд ард түмэнд дүнгээ тавиулна шүү. Гишүүд ингээд дуугүй байгаад байх юм уу. С.Бямбацогт сайд аа, та нэг км төмөр замыг хэдээр барьж байгааг үнийг хэл л дээ. Газрын баялаг ард түмний өмч юм бол энэ өмчөө хамгаал л даа. Та нар баг ард түмэн гэж өөрсдийгөө ярьдаг биз дээ.
Энэ боломжийг ашиглаж хулгайг дарж авахгүй бол маргааш дахиад л энэ хулгай чинь гарна. Б.Ганхуягийн оронд өөр нэг Ганхуяг очоод л хулгай хийнэ. Өөр нэг Ганхуягийг томилсон хүн нь хулгай хийнэ. Энэ байдал 2010 оноос хойш давтагдаж байгаа. Та нар энэ бүхэнтэйгээ эвлэрээд суух уу гэлээ.
