Нийслэлийн засаг даргын өнөөдрийн шуурхай хуралдаанаар тендерийн ажлууд гацсан талаар албаны хүмүүс мэдэгдлээ. Нийслэлийн хэмжээнд зарлагдсан 193 тендерт ямар нэг аж ахуйн нэгж оролцоогүй байна. Мөн 82 тендерт шаардлага хангасан компани оролцоогүйн улмаас тендерийн ажлууд гацаанд оржээ. Бараа бүтээгдэхүүний үнэ огцом нэмэгдсэн нь тендерт орох буюу ажил гүйцэтгэх боломжгүй алдагдалтай болж байгаа тул компаниуд ийнхүү ажилд орох сонирхолгүй болжээ. 4 сарын гаргаад Нийслэл төсөвтөө тодотгол хийхээр яригдаж байсан ч өнөөдрийг хүртэл хийгдсэнгүй хугацаа алдсаар байна. Яаралтай төсвөө тодотгож, дулааны улиралд цаг алдахгүй бүтээн байгуулалт, засварын ажлаа эхлүүлэхгүй бол нийслэлд тулгамдсан асуудлууд шилээ даран хүлээгдэж байна.
