Геополитикийн нөхцөл байдал тогтворгүй байгаа хэдий ч нөөц нь дэлхийн эдийн засагт чухал ач холбогдолтой бүс нутгийг хөгжүүлэх дэлхийн Арктикийн уралдааны тэргүүлэгч нь ОХУ хэвээр байна гэж Politico сэтгүүл бичжээ.
“Сүүлийн хорин жилийн хугацаанд Орос Арктикийн төлөөх тэмцэлд ноёрхож, цөмийн эрчим хүчээр ажилладаг мөс зүсэгч хөлөг онгоц, усан онгоц, шумбагч хөлгөөр флотоо бүрдүүлж, Хойд туйлын эргийн арван таван мянган бээрийн дагуу уул уурхайн болон газрын тосны цооногуудыг хөгжүүлж, Арктикийг хяналтандаа авахыг эрмэлзсээр ирсэн.
Орос улс энэ бүсэд хөлөг онгоцонд үйлчлэх баазын сүлжээ, 50 гаруй хөлөг онгоц бүхий өргөн цар хүрээтэй мөс зүсэгч флоттой бол Канад 18, АНУ ердөө 2 мөс зүсэгч хөлөг онгоцтой байгааг уг нийтлэлд тэмдэглэжээ. Нийтлэлийн зохиогчид Орос улс энэ бүс нутагт цаашид хэдэн арван жилийн турш тэргүүлэгч байдлаа хадгална гэж үзэж байна.
Өмнө нь судлаачид Оросын эргийн дагуух мөсөн голын хайлах хурд нь Арктикт хамгийн их байгааг тогтоожээ. Үүний тулд тэд дэлхийн бөмбөрцгийн хойд хагасын 1496 мөсөн голд судалгаа хийсэн байна. Нийт хайлж буй мөсөн голуудын 38 хүртэлх хувийг Арктикийн Оросын нутаг дэвсгэр эзэлдэг нь тогтоогджээ. Өмнө нь Гренландад мөсөн голуудхамгийн их хайлж байгаа гэсэн судалгаа гарч байсан юм.
Эх сурвалж: Лента.ру
