Монгол Улсын Их Хурлын 2020 оны 46 дугаар тогтоолоор Гутайн даваа-Хөмүүл голын эхийг байгалийн цогцолборт газрын ангиллаар улсын тусгай хамгаалалтад авч Байгаль орчин, аялал жуулчлалын сайдын 2022 оны 11 дүгээр сарын 07-ны өдрийн А/307 тоот тушаалаар тус цогцолборт газрын хамгааллын асуудлыг Онон-Балжийн БЦГ-ын хамгаалалтын захиргаанд дахин хариуцуулсан.
Тус хамгаалалтын захиргаа нь Гутайн даваа-Хөмүүл голын эхийн БЦГ-ын дотоод бүсчлэлийг 9 шалгуур үзүүлэлтээр тогтоож, Байгаль орчин, аялал жуулчлалын сайдын 2021 оны А/67 тоот тушаалаар батлуулсан ба үүнтэй холбоотойгоор тус цогцолборт газрын менежментийн төлөвлөгөөг боловсруулан батлуулахаар төлөвлөж, 2022 оны 12 дугаар сарын 13-14-ний өдрүүдэд анхан шатны хэлэлцүүлгийг орчны бүсийн Хэнтий аймгийн Батширээт, Биндэр сумдад хийлээ гэж БОАЖЯ-наас мэдээллээ.
