Монгол банк бодлогын хүүгээ 1 хувиар нэмэгдүүлж 13 хувь хүргэлээ. Бодлогын хүү өссөнөөр зээлийн хүү өснө. Зээлийн хүү өссөнөөр хүмүүсийн хэрэглээ буурна. Хэрэглээ буурснаар инфляцыг тогтооно гэж эдийн засгийн онолд тайлбарладаггүй. Энэ талаар Эдийн засагч Д.Ангар өөрийн байр суурийг илэрхийлжээ. Тэрбээр:
"Монголбанк нь бодлогын хүү гэгч " бодлогогүй хүү"-гээ нэмж 13 хувь болгожээ. Монголын эдийн засгийг шуд багалзуурдаж унагаах л төлөвлөгөө. 2023 он гараад "бодлогогүй хүү"-ны амтыг улсаараа мэдэрнэ дээ! Монголын эдийн засгийг 30 жил хорлосон институци бол Монголбанк юм. Одоо бүр гүйцээхээр шийдэж!" гэв.
Бодлогын хүү өссөнөөр нэгдүгээрт хадгаламжийн хүү өснө. Үүнийг дагаад зээлийн хүү нэмэгдэнэ. Хүү одоо 1%-аар нэмэгдчихээр барилгын үнэ өснө. Худалдаа наймаа хийдэг бүх хүний зээл өснө. Өөрөөр хэлбэл, бодлогын хүүг нэмсэн нь инфляцыг буулгах биш харин өсгөнө. Зээлийн хүү бага байх тусам л инфляц бага байна.
