Монгол Улсын Засгийн газар 2012 онд Чингис бондыг анх олон улсын зах зээл дээр арилжаалснаас хойшхи 10 жилийн хугацаанд нийт 7 бонд гаргасан.
2012 онд Чингис, 2015 онд Димсам, 2016 онд Мазаалай бонд. Эхний гурван бондын хувьд нэг нь төсөл арга хэмжээг санхүүжүүлсэн бол үлдсэн хоёр нь төсвийн алдагдал нөхсөн. Үүнээс хойш гарсан Хуралдай, Гэрэгэ, Номад, Сентеру бонд бүгд өмнөх 3 бондынхоо өрийн зохицуулалтыг хийсээр ирсэн байна. Сангийн сайд эдгээр бонд нь эргээд өр төлбөрөө барагдуулах төсвийн боломж, өгөөжийг өгөөгүй хэмээн хэлэв. Мөн 2022 оны 12 дугаар сарын 05-нд хамгийн эхний Чингис бондынхоо эцсийн төлбөрийг хийж дууссан.
Одоо Сентеру, Хуралдай, Гэрэгэ, Номад бондын төлбөрийг төлж барагдуулах ёстой. Эдгээрийн эргэн төлөгдөх хуваарийн хувьд Гэрэгэ бонд-2023 оны 04 дүгээр сарын 26-ны өдөр 533 сая ам.доллар, Номад бонд 2026 оны 4 сарын 7-нд 600 сая, Хуралдай бонд 2024 оны 03 дугаар сарын 09-нд 600 сая ам.доллар, Сентеру бонд 2027 болон 2031 онд төлөх юм байна.. Хамгийн өндөр хүүтэй нь Хуралдай бонд бөгөөд нийт 875 тэрбум ам.доллар аж.
Бондын хүүгийн төлбөрт 2022 онд 184,3 сая ам.доллар, 2023 онд 153,2 сая ам.доллар төлөхөөр хуваарьтай байгаа аж.
