Япон улсын гадаад хэргийн сайд Ёшимаса Хаяаши Монгол улсын гадаад хэргийн сайд Б.Батцэцэгтэй уулзахдаа Украинд эзлэн түрэмгийлэх дайн өдөөсөн ОХУ-ын эсрэг олон улсын хөдөлгөөнд нэгдэхийг шууд бусаар уриалсан тухай Японы Киодо агентлаг мэдээлжээ.
Ням гарагт болсон хоёр улсын гадаад хэргийн сайд нгарын уулзалтын үеэр Ё.Хаяаши сайд Москвагийн Украинд явуулж буй эзлэн түрэмгийлэл нь олон улсын хууль дүрэм, дэг журмыг зөрчиж байгаа тул дэлхий нийтээр нэгдмэл байр суурьтай байх шаардлагатайг Батцэцэг сайдад илэрхийлсэн тухай Япон улсын гадаад хэргийн яамны эх сурвалж мэдээлсэн байна.
Хариуд нь Б.Батцэцэг сайд Монгол улсын байр суурийг тайлбарлахдаа "Олон улсын зүгээс ОХУ-д дарамт шахалт үзүүлэх хөдөлгөөнд Монгол улс нэгдэх боломжгүй" хэмээн тайлбарласан тухай эх сурвалжууд мэдээлсэн байна.
