Нийтлэлч, яруу найрагч Р.Эмүжин өөрийн цахим хуудаснаа
"Бид өөрсдөө бас хандлагаа өөрчилмөөр байгаа юм аа. Батлага, Эби, Сумка нарын улстөрчид сонгуулийн шуурганаар ээждээ үнсүүлээд, нулимс гялтагануулангуут нийгмээрээ өмөлзөөд, өр зүрхээ гаргаж шидээд, аргагүй ээжийн хүү, эхдээ мөргөлгүй яахав, сайхан гэр бүл юм аа, ээжийгээ хайрладаг сайн хүү энэ тэр гээд зөндөө долоодог юм байж энэ нэг нас залуу, хаврын нахиа шиг хөвгүүн ээжийгээ хараад элгэмссэний төлөө жүжиглэлээ, яасан хатгүй бацаан бэ гэхээ больчихооч.
Эсвэл эх, үрийн холбоонд хүртэл эрх мэдэл, мөнгө төгрөгний ялгаа үйлчилдэг болчихсон юм уу? Арав хоног гэрийнхэнтэйгээ уулзаагүй, арав хоног гутлаа тайлаагүй, хөл нь хүйтний хаванд баригдсан хүү нулимс унагаад ээждээ эрхлээ л биз. Эгэл ардын эх үрийн хайр болохоор хайр энэрэл биш нялуурал болчихдог, эрх мэдэлтний эх үрийн хайр агуу юм уу, тэгээд? Ирээд буцдаг орчлонд ингэж бөөнөөрөө самуурахгүй ээ, бидний монголчууд дээшээ далдаганаж, доошоо донгосдог энэ хандлагаа өөрчилж байж нийгмээ өөрчилнө.
