Ерөнхийлөгч асан Х.Баттулгыг “Нүүрсний” гэх хэрэгт холбогдсон талаар АТГ-аас саяхан мэдэгдсэн. Тэрбээр өчигдөр /2022.12.16/ АТГ-т очиж байцаалт, мэдүүлэг өгсөн талаар бид мэдээлсэн билээ.
Тэгвэл Х.Баттулга нь "оффтэйк гэрээ болон төмөр замын бүтээн байгуулалтын талаар гэрчийн мэдүүлэг өгсөн" талаар livetv.mn сайтад мэдээлжээ.
Тэрбээр Монгол Улсын Ерөнхийлөгчийн албан тушаалыг хашиж байхдаа Зүүнбаян-Тавантолгой төмөр замын ажлыг эхлүүлсэн. Мөн Гашуунсухайт-Тавантолгой чиглэлийн төмөр замын дутуу ажлыг "Бодь интернэшнл" компанитай “нүүрс нийлүүлэх гэрээ” байгуулж гүйцэтгүүлсэн бөгөөд энэхүү гэрээгээ “нууц”-д оруулсан байдаг. Ташрамд өгүүлэхэд, Зүүнбаян-Тавантолгой чиглэлийн төмөр замын санхүүжилтийг "Эрдэнэс тавантолгой" ХК-аас гаргасан учир иргэдийн 1072 хувьцааны ногдол ашгийг өнгөрсөн жилүүдэд тараагдаагүй юм.
