Зам, тээврийн хөгжлийн сайдын тушаалаар үндэсний агаарын тээврийн “Изинис Эйрвэйс” ХХК-ийн БНХАУ-аас тээвэрлэн ирсэн ачаатай холбоотой мэдээллийн дагуу тус компанийн нислэгийн үйл ажиллагаа, агаарын хөлгийн ашиглалтын байдалд хяналт, шалгалт хийх “Ажлын хэсэг” байгуулжээ.
Ажлын хэсэг “Изинес Эйрвэйс” ХХК-ийн нислэг үйлдвэрлэлийн үйл ажиллагааны байдал, ашиглаж буй агаарын хөлгүүдийн бүртгэл, техник үйлчилгээ, Нислэгт тэнцэх чадварын гэрчилгээ олгосон байдал, техникийн нөхдөл байдал, Ачаа тээврийн агаарын хөлгийн нийт нислэгийн төлөвлөлт, гүйцэтгэл, Бээжин-Улаанбаатар чиглэлийн 2022 оны арваннэгдүгээр сарын 30-ны өдрийн нислэгийн төлөвлөлт, гүйцэтгэл, тээвэрлэсэн ачаа, өнөөгийн нөхцөл байдал, Бээжин-Улаанбаатар чиглэлийн нислэгийн үеэр ADS-B илрүүлэлт, нислэгийн хөдөлгөөний үйлчилгээний үед холбоо алдагдсан нөхцөл байдал үүссэн эсэх, дээрх нислэгийн төлөвлөлт, гүйцэтгэлтэй холбоотой бусад холбогдох материалыг хянан шалгаж үр дүнг шуурхай танилцуулах аж.
Шалгалтаар ямар нэгэн зөрчил илэрвэл холбогдох хувь хүн болон хүмүүст зохих хуулийн хариуцлагыг хүлээлгэх юм байна. Монгол Улс олон улсын хууль тогтоомж, олон улсын гэрээ хэлэлцээр болон санкцийн үүргээ даган мөрдөж байна.