Өнөөдөр /2022.12.15/ 06:19 цагт Баянзүрх дүүргийн 23 дугаар хороо, Баатархайрханы гудамжны задгайд гэр шатаж байна гэсэн дуудлагыг онцгой байдлын алба хаагч нар хүлээн авчээ.
Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн алба хаагчид 8 км замыг туулан 06:35 цагт очиход иргэн Ц-гийн 4 ханатай гэр шатаж байсныг 2 минут ажиллаж унтраасан. Уг гал түймэрт З /29 настай, эрэгтэй, хөгжлийн бэрхшээлтэй, гэртээ ганцаараа байсан/ өртөж нас барсан байсан тул цогцсыг гаргаж, Цагдаагийн байгууллагад шилжүүлэн өгсөн байна.
