CNN болон Reuters агентлагууд АНУ-ын засаг захиргааны эх сурвалжаас иш татан Вашингтон Украйны Зэвсэгт хүчинд “Пэтриот” агаарын довтолгооноос хамгаалах системийг шилжүүлэх “хэлэлцээрийн бэлтгэлээ дуусгаж байна” гэж мэдээлэв. Тэдний үзэж байгаагаар энэ долоо хоногоос шийдвэр гаргах боломжтой.
Пентагоны энэ төлөвлөгөөг Ерөнхийлөгч Жо Байден гарын үсэг зурахаас өмнө Батлан хамгаалахын сайд Ллойд Остин батлах юм.
Нэг Патриот батерей нь ихэвчлэн радар, команд штабын машин, туслах төхөөрөмж, тус бүр нь дөрвөн пуужингийн багтаамжтай найм хүртэлх сууриас бүрддэг.
Украины хүсэлт
Арваннэгдүгээр сарын сүүлчээр Украины эрчим хүчний байгууламжуудыг Орос дахин буудсаны дараа Украины Гадаад хэргийн сайд Дмитрий Кулеба холбоотнуудад хандан Украины Зэвсэгт хүчнийг агаарын довтолгооноос хамгаалах шинэ системээр аль болох хурдан хангахыг хүссэн юм. Гэсэн хэдий ч тэр үед эвслийн дээд хэмжээний уулзалтын үеэр Патриот системийг Украинд шилжүүлэх эцсийн шийдвэр гараагүй байна.
"Патриот" гэж юу вэ
Хэрэв Украин үнэхээр Патриотыг хүлээн авбал энэ нь холбоотнууд Украинд хүлээлгэн өгсөн хамгийн хүчирхэг, хамгийн дэвшилтэт пуужингаас хамгаалах зэвсэг болно.
Энэ систем нь 80 км хүртэлх зайд, 20 км хүртэл өндөрт байгаа объектуудыг онох чадвартай бөгөөд төрөл бүрийн пуужингаар цэнэглэж болно. "Патриот" систем нь дуунаас хурдан нисч буй байг устгах зориулалттай бөгөөд 125 хүртэлх байг нэгэн зэрэг мөрдөж, зургааг нь пуужингаар онилох боломжтой юм.
Цогцолборын гол давуу талын нэг нь зөвхөн нисэх онгоц, далавчит пуужингаас гадна баллистик пуужинг ч харвах чадвартай юм. Энэ төрлийн пуужин нь Украины агаарын довтолгооноос хамгаалах хүчинд хамгийн их асуудал үүсгэдэг. Учир нь тэднийг саатуулахад маш хэцүү байдаг. Ийм пуужин газрын гадаргуугаар нисдэггүй, харин баллистик траекторийн дагуу дээшээ өргөгдөж, тэндээс бараг босоо чиглэлд маш хурдтайгаар бай руу дайрдаг.
"Patriots"-ын үйлдвэрлэгчийн мэдээлснээр, хамгийн сүүлийн үеийн систем нь 20 км хүртэл өндөрт баллистик пуужин харвах чадвартай гэжээ.
АНУ-д Патриот системийг 1980-аад оны дунд үеэс боловсруулж эхэлсэн. Байлдааны нөхцөлд үүнийг 1990-ээд оны эхээр Персийн булангийн дайны үеэр ашиглаж эхэлсэн.
Эх сурвалж: ВВС
