Хятад улс Тайванийн агаарын бүс рүү стратегийн бөмбөгдөгч 18 онгоц илгээсэн тухай Тайваний Батлан хамгаалах яамнаас иш татан Insider Paper бичжээ.
Тайваний арми Хятадын алсын бөмбөгдөгч Н-6 онгоцууд 21 нисэх онгоцны бүрэлдэхүүнд багтаж хөдөлсөн гэж мэдэгдэв. Өнгөрсөн 24 цагийн дотор БНХАУ-ын Агаарын цэргийн хүчин Тайваний баруун өмнөд хэсгийн агаарын довтолгооноос хамгаалах бүсэд нэвтэрсэн бөгөөд "Insider Paper"-д бичсэнээр, энэ бүс нь Хятадын агаарын довтолгооноос хамгаалах бүстэй хэсэгчлэн огтлолцож, эх газрын нэг хэсгийг хамарч байгаа аж.
Бээжин Тайванийн импортод хориг арга хэмжээ авснаас хойш хэд хоногийн дараа Хятадын нисэх онгоц ийнхүү тус бүсэд нэвтэрсэн гэж Тайбэй тэмдэглэжээ. Тодотгоход, Бээжингийн энэ хориг нь Тайванийн хоол хүнс, согтууруулах ундааны импортод нөлөөлж байгаа юм.
Өмнө нь Тайваний Гадаад хэргийн сайд Жозеф Ву хэлэхдээ, Хятад улс том хэмжээний цэргийн сургуулилт хийсний дараа арал руу ирээдүйд халдлага үйлдэхээр шинэ шалтаг бэлдэж байна гэв.
Өнгөрсөн наймдугаар сард Тайваний Батлан хамгаалах яам Хятадыг асуудлыг энхийн замаар шийдвэрлэхийг хүсэхгүй байна гэж буруутгасан. Хятадын Ардын Чөлөөлөх Армийн Тайваны эргэн тойронд байлдааны сургуулилалт явуулж байгаа нь Бээжин асуудлыг хүчээр шийдвэрлэхийг зорьж байгааг харуулж байна гэж мэдэгдсэн юм.
Эх сурвалж: Лента.ру
