Өнгөрсөн дөрөвдүгээр сарын 29-нд буюу баасан гарагт Хан-Уул дүүргийн анхан шатны шүүхэд Н.Түвшинбаярт холбогдох хэргийн урьдчилсан хэлэлцүүлэг болсон. Уг урьдчилсан хэлэлцүүлэгт Улсын начин Э.Энхбат агсаны гэргий Б.Нандинцэцэг, өмгөөлөгч О.Санчирбал нар оролцсон юм.
Тэгвэл, үүгээр шүүх хуралдааны товыг тавдугаар сарын 12-нд тогтоож, нэр бүхий 10 гэрчийг оролцуулан хаалттай байдлаар хийх шийдвэр гарсан билээ.
Харин өнөөдөр дөнгөж талийгаачын эхнэр Б.Нандинцэцэг өөрийн цахим хуудсаар Улсын начин Э.Энхбатыг ханийгаа санаж байгаагаа илэрхийллээ. Тэрбээр:
"Үргэлж хажууд минь байна гэж амалчаад
Битгий үгүйл битгий сана л гэх юм яагаад ч мартаж чадахгүй дэндүү их санаж үгүйлж байна
" гэжээ.
