БНСУ-ын бодибилдингийн алдарт тамирчин Хуан Чүл Сон Монгол улсад хүрэлцэн ирээд байгаа билээ. Тэрбээр 2022 оны 8-р сард болох "Chul Soon classic" тэмцээний бэлтгэл ажлаар Монгол Улсад хүрэлцэн ирсэн юм .
Түүний тухай хамгийн сонирхолтой нэгэн шинэ мэдээ тархсан нь Монгол Улсын хүчит Арслан Цэдэвийн Содномдоржтой 100 сая төгрөгний бооцоот барилдаан хийхээр болсон гэнэ.
"Азийн Арнольд Шварценеггер" гэгддэг тэрбээр фэйсбүүкт 2 сая, инстаграм дээр 1.6 сая, youtube хуудаснаа 500 гаруй мянган дагагчтай, Азийн болон дэлхийн бодибилдингийн шилдэг тамирчин юм.