Засгийн газрын ээлжит бус хуралдаан өнөөдөр боллоо. Хуралдааны шийдвэрийг танилцуулж Х.Нямбаатар сайд мэдээлэл өгч байна.
-Би та бүхэнд 24 цагийн өмнө мэдээлэл өгсөн. Хэвлэлийн хурлын дараа би жагсаал хийж буй иргэдтэй уулзсан. Иргэд нүүрсний гэх хэрэгт холбогдсон этгээдүүдэд 15 жилийн хорих ял оноох, хөрөнгийг нь хураах санал хэлсэн. Эдгээр нь шүүх эрх мэдлийн асуудал юм. Засгийн газарт гэмт хэрэгтэнд ял оноох, хөрөнгө хураах эрх байхгүй.
Бид 1992 онд Үндсэн хууль, хуульт засаг бүхий төртэй байх сонголтыг хийсэн. Гэтэл жагсагчид ойлгомжгүй шаардлага тавьсаар байна.
