Засгийн газраас нүүрсний хулгайн хэрэгтэй холбогдуулж, энэ хэргийг мөрдөн шалгах ажиллагаанд дэмжлэг үзүүлэх ажлын хэсгийг өчигдөр байгуулсан. Уг ажлын хэсгийг УИХ-ын гишүүн, Хууль зүй, дотоод хэргийн сайд Х.Нямбаатар ахалж байна.
Мөрдөн шалгах чиг үүрэг бүхий Авлигатай тэмцэх газар, Гаалийн ерөнхий газар, Цагдаагийн ерөнхий газар, Хил хамгаалах ерөнхий газар, Мэргэжлийн хяналтын ерөнхий газрын алба хаагчдаас бүрдсэн ажлын хэсэг нүүрс олборлолт, экспорт, тээвэрлэлттэй холбоотой үүсээд буй асуудлуудыг шалгахаар өнөөдөр /2022.12.08/ Өмнөговь аймгийг зорьжээ.
