Монголын нийслэлд олон нийтийг хамарсан жагсаал цуглаантай холбоотойгоор өчигдөр орой хуралдсан Үндэсний аюулгүй байдлын зөвлөлийн хуралдаанаар Монгол Улсын Засгийн газрыг огцруулах, УИХ-ыг тараах асуудлыг хэлэлцсэнгүй. Энэ тухай Монгол Улсын Ерөнхий сайд Лувсаннамсрайн Оюун-Эрдэнэ мягмар гарагт хийсэн хэвлэлийн бага хурал дээр мэдэгдлээ.
Монгол Улсын Ерөнхий сайд жагсаал цуглааныг авлигачид өөрсдийн зорилгодоо ашиглахыг завдсан гэж буруутгаж байна. ҮАБЗ-ийн хуралдаанаар сүүлийн үед болсон үйл явдалтай холбогдуулан санал солилцсон. Засгийн газрыг огцруулах, УИХ-ыг тараах асуудлыг хэлэлцээгүй. Хэрэв ард түмэн дэмжвэл системийн шинэчлэл хийх болно. Үүний зэрэгцээ Ерөнхийлөгч дэмжихэд бэлэн гэдгээ илэрхийлсэн" гэж Монголын Засгийн газрын тэргүүн хэлэв.
Тэрээр цааш нь хэлэхдээ, даваа гарагт жагсагчид сонгуулийн тогтолцоог шинэчлэх зэрэг 20 орчим шаардлага, санал дэвшүүлсэн байна. Улс төрийн нам, олон нийтийн байгууллагын удирдлагуудтай тогтолцооны шинэчлэл хийх боломжийн талаар ярилцах бодолтой байгаагаа Ерөнхий сайд хэллээ.
Өнгөрөгч арванхоёрдугаар сарын 4-нд Улаанбаатарт болсон эсэргүүцлийн жагсаал нь БНХАУ-д гаалийн хяналтаас гадуур нүүрс экспортолсон хэргийн мөрдөн байцаалтын явцад сэтгэл дундуур байгаагаас үүдэлтэйгээр эхэлсэн юм.
Жагсагчид нүүрсний хулгайн сэжигтнүүдийн нэрийг ил тод болгохыг шаардсан бөгөөд жагсагчдын үзэж байгаагаар тэдний дунд өндөр албан тушаалын улстөрчид ч байж магадгүй байгаа аж. Ням гарагийн амрадтын өдөр эхэлсэн эсэргүүцлийн жагсаал даваа гарагт дахин үргэлжилж, нийслэлийн төв талбай руу чиглэсэн гол замуудыг хаахыг оролдсон. Жагсагчид мөн төв талбай дээр баригдаж буй мөсөн хотхоны дэргэд суулгасан сүрэл гацуур модыг шатааж, Төрийн ордон руу дайрахыг оролдсон байна.
Жагсагчидтай зөвшилцөх ажлын хэсгийг Монгол Улсын Засгийн газрын хэрэг эрхлэх газрын дарга, эрх баригч МАН-ын Ерөнхий нарийн бичгийн дарга Дашзэгвийн Амарбаясгалангаар ахлуулан байгуулсан нь эрх баригчдын хариулт байв. Мөн даваа гарагийн орой УИХ-ын шуурхай хуралдаан болж, нийслэлд онц байдал тогтоох асуудлыг хэлэлцсэн. Гэвч иргэд Төрийн ордны орчмыг тайван орхисны дараа уг асуудлыг хэлэлцэхийг түр зогсоож, Засгийн газрын хуралдаанаас гаргасан онц байдал тогтоох санаачилгыг анх дэмжиж байсан хууль тогтоогчид одоохондоо ингэх шаардлагагүй гэсэн байр суурийг илэрхийлсэн байна.
Эх сурвалж: Итар-ТАСС
