Мөдхөн Монголын улс төрийн тавцанд Сү.Батболд тэргүүтэй олигархиуд хоёр хаалганд зэрэг гоол хийх гэж байна. Учир нь Л.Оюун-Эрдэнийн Засгийн газрыг унагаад оронд нь Хотгор шанагын хулгайч Ерөнхий сайд болно. Хотгор шанага бол Сү.Батболдын тавиул. Энэ гоол хийх эхний хаалга.
Хоёрдахь гоол хийх хаалга бол Ардчилсан нам. Дотоод зодоондоо хүчээ барсан АН- ыг С.Баярцогтод өгөх бэлтгэл ажил дуусчээ. Гурван шатны шүүхээс ял авсан Баярцогтыг гэнэт Дээд шүүхийн Эрдэнэбалсүрэн, Амарбаясгалан хэмээх хоёр нөхөр тусгай санал гарган прокурорт буцаагаад цагаатгаж орхив. Өдгөө С.Баярцогтыг Тавантолгой, Эрдэнэтийн 49 хувийг авахаар санаархаж байсан олигархи бүлэглэл санхүүжүүлж байна. 2006 онд Ц.Элбэгдоржийн Засгийн газар Тавантолгойг “Энержи ресурс” хэмээх 14 олигархи нэгдсэн бүлэгт өгч байлаа. 14 олигархийн толгойлогч нь Сү.Батболд байлаа. Байлаа ч гэж одоо ч байгаа. “Энержи ресурс”-т Тавантолгойг өгөхөд Засгийн газрын Хэрэг эрхлэх газрын дарга нь мөнөөх С.Баярцогт байлаа. Дараа нь 2014 онд Тавантолгойг “Энержи ресурс” болон Хятадын “Шенхуа Энержи”-ийн хамтарсан бүлэглэлд 100 жилээр өгөх гэж Ч.Сайханбилэг, С.Баярцогт, М.Энхсайхан нар тухайн үеийн Ерөнхийлөгч Ц.Элбэгдоржоор дэмжүүлэн зүтгэж байлаа. Одоо Энхсайхан, Баярцогт нар өршөөгдөж цагаадсан. Хотгор шанагын хулгайч Шадар сайдын статустайгаар Л. Оюун-Эрдэнийн хажууд гэтэж явна. Тэр нөхөр Ерөнхий сайдынхаа толгойг залгичих санаатай шүлсээ савируулж байгаа. АН-ыг С.Баярцогтод өгсөн ч, Л.Оюун-Эрдэнийн Засгийн газрыг унагаасан ч ялагч нь Сү.Батболд байх болно. Санхүүжүүлэгч нь Тавантолгой, Эрдэнэт, гурван үсэгтэй банк, гурван үсэгтэй компани. Тэд Монголын газрын баялгийг түүхийгээр нь урагш нь зөөж баяжигчид. Аль 10 жилийн өмнөх хэллэгээр бол Нүүрсчдийн намынхан. Мөнөөх 30 гэр бүл. Тэд одоо Монголын төрийг дахиад 100 жил эзэмдэх гэж тачаадаж буйг сүүлийн нэг сарын хугацаанд тун хурдтай өрнөж буй улс төрийн үйл явц гэрчилж байна.
Гурван сая монголчууд сайхан амьдарч чадахгүй 30- хан гэр бүл тэсэртлээ баяжиж байгаагийн гол шалтгаан, гол эзэд захиалгаа өгчээ. Тэд юу хүснэ яг тийм тоглоом улс төрд өрнөдөг. Парламентад 62 сууудалтай эрх баригч намын дарга, Ерөнхий сайд Л.Оюун-Эрдэнэ “ард түмнээсээ тусламж хүсч байна...парламентаа тарааж чаддаг хүчтэй Ерөнхий сайдтай сонгодог парламент руу явахгүй бол горьгүй нь...” хэмээн уйлан дуугарч буйгийн цаад шалтгаан энэ. За одоо бод... нүүрсний хулгайч нь хэн байна. Яагаад Засгийн газар хүчрэхгүй байна вэ... Нам дамжсан газрын баялгаар санхүүждэг, санал худалдаж авдаг , оффшорыг бүрэн эзэмшдэг бүлэглэл толгой өндийлөө. Өөрөөр хэлбэл Сү хоёр хаалганд зэрэг гоол хийх нь...!!! Сү.Батболдыг Монголын шүүх дээр яллаж чаддаггүйн шалтгаан энэ. Рио Тинтог бөхлзүүлсэн атлаа С.Баярцогтыг барахгүй байгаагийн учир ийм бөлгөө. Бод... бод бидэнд бодох зүйл их байна.
Сэтгүүлч Л.Мөнхбаясгалан
