Бээжингийн цар тахлын хяналт, удирдлагын шинэ нөхцөл байдал, Хятадын Төрийн зөвлөлийн халдвараас урьдчилан сэргийлэх, хяналт тавих хамтарсан зохицуулалтын механизмын цар тахлаас урьдчилан сэргийлэх, хяналтдаа авах 9 дэх заалт, улам оновчтой болгох 20 дахь заалтын дагуу, Бээжингийн цар тахлын эсрэг хяналт, удирдлагын ажлын хэсэг, нийслэл Бээжинд нэвтрэх удирдлагын урьдчилан сэргийлэх, хяналт тавих хамтарсан зохицуулалтын механизмын газрын шийдвэрээр 2022 оны 12-р сарын 6-ны өдрөөс эхлэн Бээжин хот ПСР шинжилгээний талаар доорх арга хэмжээг хэрэгжүүлэхээр шийджээ. Тухайлбал:Худалдаа дэлгүүр супермаркет зэрэг олон нийтийн үйлчилгээний газраар ороход ПСР шинжилгээний сөрөг гэрчилгээг шалгах шаардлагагүй, харин QR код уншуулаад орж болно. Мөн оршин суугчдын хороололд ороход нь ПСР шинжилгээний дүнг шалгахгүй бөгөөд байнгын оршин суугчид QR код ч уншуулах шаардлагагүй. Харин баар ресторан, интернет кафе, караоке, саун зэрэг битүү газар, мөн ахмад настан, хүүхдийн асрамжийн газар, цэцэрлэг, бага, дунд сургууль, эмнэлэгт 48 цагийн дотор хийлгэсэн ПСР шинжилгээтэй бол чөлөөтэй нэвтэрч болох юм байна. Үүнээс гадна чухал байгууллага нэгжүүд болон томоохон үйл ажиллагаа явуулахад ПСР шинжилгээний дүнг үзэх шаардлагатай хэмээн тогтоожээ
