Улаанбаатар хотын захирагч, Нийслэлийн засаг дарга Д.Сумъяабазар дрифт хийжээ. Тэрээр энэ тухайгаа "Өнөөдөр зав гаргаж "VIP auto moto festival 2022"-т оролцлоо. Дрифт хийхэд төрдөг мэдрэмжийг ч мэдэрч үзлээ. Гайхалтай... Нийслэлийн зүгээс арга хэмжээний үеэр тамирчид болон үзэгчдийн аюулгүй байдлыг хангах тал дээр бүх талаас нь дэмжлэг үзүүлсэн. Учир нь эр зориг, авхаалж самбаа, мэдрэмж шаардсан энэ спортод аюулгүй байдал маш чухал. Мөн их хотын чимэг болдог эрэмгий спортыг сонирхогч залуусыг дэмжих нь зүйтэй. Цаашид ч дэмжиж, ирэх жил илүү оролцоотой байна гэж бодож байна. Мөн эдгээр мэргэжлийн залуус хотын төвд чанга дуу чимээ гаргадаггүй, уралдах, дрифт хийх зэрэг эрсдэлтэй зүйл хийдэггүй гэдгээ хэлж байна. Цаашид замын хөдөлгөөнд соёлтой оролцох зөв уриалгыг түгээж, хэвшүүлэхээ ч мэдэгдэв. Залуус маань хүсэл, сонирхолтой бас соёлтой, ухамсартай болжээ" хэмээн цахим хуудсандаа бичсэн байна.
