Төв талбайн жагсаалтай холбоотойгоор Нийслэлийн Эрүүл Мэндийн Газраас Сүхбаатарын талбайд эмнэлгийн гурван баг газар дээр нь, шаардлагатай тохиолдолд 30 минутад ажиллах найман баг бэлэн байна.
Үндсэн тусламжаар 103-ын дуудлагад 48 баг үйлчилж байна.
Төв талбайн яаралтай тусламжийн дуудлагаар,
- 22 настай, эмэгтэй А-д үзлэг хийж, биеийн байдал хэвийн тул зөвлөгөө өгсөн.
- 18 настай, эмэгтэй Н-ийн хөл гэмтсэн тул ГССҮТ-д хүргэсэн.
- 18 настай, эмэгтэй М ухаан алдсан тул Чингэлтэй дүүргийн эмнэлэгт хүргэсэн.
- 32 настай, эрэгтэй Г баруун шууны зөөлөн эдийн гэмтэл авсан, зөвлөгөө өгсөн.
- 32 настай, эрэгтэй М хумс хугарсан.
- 30 настай, эрэгтэй Х цээжний зөөлөн эдийн гэмтэл авсан. Үзлэг хийж, зөвлөгөө өгсөн.
- 16 настай, эрэгтэй Т хөл гэмтсэн. Гуяны дотор холбоос сунасан тул тусламж үзүүлсэн.
- 29 настай, эрэгтэй О даралт ихэссэн. Тусламж үзүүлсэн.
Ордноос гарч ирсэн эмнэлгийн (УХТЭ) машинд зүүгдэж гэмтсэн иргэнийг ГССҮТ-д тээвэрлэн хүргэж өгсөн гэсэн мэдээллийг НЭМГ-аас өглөө.
