Украйны ерөнхийлөгч Владимир Зеленский нийслэл Киев хотыг тойроод хүмүүсийг олноор нь булшилсан олон булш олдож байгаа талаар мэдэгджээ. Киевийн ойролцоох булшнуудаас 900 орчим хүний цогцсыг олсон хэмээн мэдэгдсэн ба өмнө нь Буча хотоос 300 хүнийг нэг дор оршуулсан булш олдож дэлхий дахиныг цочирдуулж байв. В.Зеленский мөн "Украин- Орос хоорондын бүх хэлэлцээр бүгд тасалдах эрсдэл ихтэй байна" гэжээ.
НҮБ-ын тэргүүн Антонио Гутеррешийг айлчлах үеэр Оросын талаас Украины нийслэл Киев хотод агаарын цохилт өгсөн байна. Уг ажиллагаа нь Оросын цэрэг Киев орчмоос ухарснаас хойш өгсөн хамгийн хүчтэй довтолгоо болжээ. Дайралтынүеэр нэг хүний амь үрэгдэж, хэд хэдэн хүн шархадсан байна.
