Өнгөрсөн 10 дугаар сарын 10-ны өдөр УИХ-ын гишүүн асан Ж.Батзандан, туслах Г.Аюулгүй нарыг Авлигатай тэмцэх газраас саатуулж цагдан хорих хугацааг нь 30 хоногоор дахин сунгаж байв. Тэгвэл дөнгөж сая тэдэнд холбогдох шүүх хурал болж, Ж.Батзандан Г.Аюулгүй нарыг суллалаа. Тодруулбал, Улсын яллагчийн зүгээс нэр бүхий хоёр хүний цагдан хорих хугцааг сунгах хүсэлтийг шүүхэд гаргасан ч шүүх бүрэлдэхүүн сунгахаас татгалзаж суллах шийдвэрийг гаргасан байна.
Ж.Батзанданг туслахаараа дамжуулан, Капитал банкнаас 12 гаруй тэрбум төгрөгийн зээл авсан гэж буруутгаж байгаа юм. Капитал банк нь Хөгжлийн банкнаас зээлсэн 227 тэрбум төгрөгийг 90 гаруй аж ахуй нэгжид дамжуулан зээлдүүлсэн бөгөөд УИХ-ын гишүүн асан Ж.Батзандангийн зөвлөх Г.Аюулгүйн нэр дээр бүртгэлтэй “Азийн бамбар” компаниар хоёр удаа 3-5.7 тэрбум, “Элит цахмаг” компаниар 3.8 тэрбум төгрөгийн зээл авсан нь батлагдаж ийнхүү цагдан хорьсон юм.
