Дундговь аймгийн Сайнцагаан сумын Далай багийн “Хөх-Овооны бууц” гэдэг газар малчин Б өчигдөр /2022.12.04/-ийн 18:00 цагийн орчим малаа хураана гэж мотоциклтой яваад сураггүй болсон байна.
Тухайн өдрийн орой 23:30 цагт гэрээс нь урд зүгт 1 км орчмоос мотоцикл болон эд зүйлсийг нь олсон тухай дуудлагыг арванхоёрдугаар сарын 05-ны өдрийн 00:48 цагт хүлээн авч аймгийн Онцгой байдлын газрын Эрэн хайх, аврах салбарын алба хаагчид, ар гэрийнхэн 61 настай, эрэгтэй Б-г эрэн хайх ажиллагааг 01:20 цагаас зохион байгуулж байна.