Сэлэнгэ аймгийн Баруунбүрэн сумын харьяат, аймгийн хурц, бадрангуй, хичээлт, итгэлт, ерөөлт арслан Жадамбын Сундуйгийн нэрэмжит аймаг, цэргийн цолтой болон залуу бөхчүүдийн ээлжит барилдаанд аймгийн хурц арслан Т.Пүрэвсүрэн, Н.Баттүвшин, О.Баярхүү, Ч.Энхмөнх, Ө.Батзул, О.Гантулга, Ц.Мөнхбаяр, Б.Мижидсүрэн, Б.Баянмөнх нараар магнайлуулсан 224 бөх зодоглосноос Булган аймгийн Сайхан сумын харьяат, Алдар СХ, “Сод Монгол” групп, "Повер Пласт" ХХК, “Булганхангай” дэвжээний бөх, аймгийн харцага Дамдинсүрэнгийн Пүрэвдорж түрүүлж, Архангай аймгийн Батцэнгэл сумын харьяат, Сүлд СХ, “Бөхбилэгт” дэвжээний бөх, МУГТ, цэргийн арслан Лхагвасүрэнгийн Отгонбаатар үзүүрлэв.
Их шөвөгт Хөвсгөл аймгийн Цагаан-Үүр сумын харьяат, Хилчин СХ, "Хөвсгөл Эрчим" ХХК, “Хөхий” констракшн, “Хөвсгөлийн хүчтэн” дэвжээний бөх, аймгийн хурц арслан Н.Баттүвшин, Булган аймгийн Орхон сумын харьяат, Хилчин СХ, "Кардеш" ХХК, "Түшиг багана" ХХК, “Булганхан” дэвжээний бөх, аймгийн арслан Б.Түмэндэмбэрэл нар шалгарлаа. Дунд шөвгийн долоод аймгийн хурц арслан Б.Баянмөнх, аймгийн арслан Ш.Отгонтөгс, аймгийн харцага Х.Наранбаяр нар үлдэв. Дараагийн барилдаан ирэх 7 хоногт буюу тавдугаар сарын 07-нд Өвөрхангай аймгийн Баян-Өндөр сумын харьяат, Монгол Улсын гавьяат дасгалжуулагч, улсын арслан Бандийн Ганбаатарын нэрэмжит, гэр бүлийн үүсгэн байгуулсан “Монгол зодог” ХХК-ийн 20 жилийн ойд зориулсан улс аймгийн алдар цолтой 256 бөхийн барилдаан, тавдугаар сарын 08-нд Булган аймгийн Тэшиг сумын аймгийн хурц, бадрангуй, хичээлт, итгэлт, ерөөлт арслан Нямын Батчулууны нэрэмжит АЦЦБЗалуу 256 бөхийн барилдаанаар үргэлжилнэ.
МОНГОЛЫН ҮНДЭСНИЙ БӨХИЙН ХОЛБОО
