УИХ-ын дарга Г.Занданшатар Архидан согтуурахтай тэмцэх тухай хуулийн талаар мэдээлэл хийлээ.
Тэрбээр " Согтууруулах ундаа гэдэгт пиво, архи, дарс бүгдийг хамруулж үзнэ. Согтууруулах ундаагаар үйлчлэх, үйлчлүүлэх насыг 21-ээс дээш байна гэж хуульд тусгасан. Мөн бүх төрлийн согтууруулах ундаагаар шахсан, түүнээс үүдэж ямар нэг хохирол учирсан тохиолдолд, тухайн хүнийг шахсан этгээдэд хуулийн хариуцлага тооцно.
Хэрэглээний соёлыг төлөвшүүлэх ёстой. Архийг хэчнээн хориглоод нэмэргүй. Тиймээс хэрэглээний соёлыг төлөвшүүлэх нь чухал. Жишээ нь, градусыг багасгах, татварыг нэмэгдүүлэх, хүн шахахыг хориглох ёстой. "Намайг алгас" хүртэл аян явж байна. Намайг алгас гэсээр байтал шахаад тухайн хүн нь асуудалд орвол шахсан хүн нь хариуцлага хүлээнэ. Энэ хууль нэгдүгээр сарын 1-нээс хэрэгжиж эхэлнэ. Үүнийг ард иргэдэд ойлгуулах хэрэгтэй." гэв.Монгол улсын Хөдөлмөрийн баатар Данзанваанчигийн Ухнаа 2022 оны арваннэгдүгээр сарын 27-ны өдөр таалал төгслөө.
Улсын Филармонийн 50 жилийн ойн хүлээн авалт, "Болор цом" яруу найргийн наадам гээд ойрын өдрүүдэд болсон соёл, урлагийн арга хэмжээнд инээд баясал, дуу хөөртэй оролцож явсан учраас урлагийнхан гүнээ, гашуудан харамсаж, эмгэнэл илэрхийлж байна.
Д.Ухнааг сүүлчийн замд нь үдэж, салах ёс гүйцэтгэх ажиллагаа Соёлын төв өргөөнд 12 дугаар сарын 2-ны өглөө 5:40 цагаас эхлэх юм байна.