Оросын арми Украины Зэвсэгт хүчний "Гадаад легион"-ын хөлсний цэргүүд рүү нарийвчлал өндөртэй зэвсгээр довтлов. Энэ тухай БХЯ-ны албан ёсны төлөөлөгч, хошууч генерал Игорь Конашенков сэтгүүлчдэд мэдээлэв.
Түүний хэлснээр ОХУ-ын Зэвсэгт хүчний агаар, сансрын цэргийн хүчин БНДАУ-ын нутагт Часов Яр суурингийн ойролцоох дайсан руу довтолсон байна.
"Энэ довтолгооны үеэр гадаадын 100 хүртэл хөлсний цэрэг, зургаан хуягт машиныг устгасан" гэж Конашенков хэлэв.
Өмнө нь тагнуулын алба Украины Зэвсэгт хүчний уулын довтолгооны 10-р бригадын командлал Часов Яр хотыг орхин явсан тухай мэдээлсэн юм. Украины удирдлага "байнга хүн хүчний алдагдал, түүний дотор офицеруудаа олноор алдаж байгаа учир "аюулгүй газар руу" нүүлгэн шилжүүлэхээр шийдсэн гэж тэмдэглэжээ.
Эх сурвалж: Лента.ру