Украин даяар Оросын пуужингийн шинэ довтолгооны улмаас хэд хэдэн газарт нэгэн зэрэг цахилгаан тасарч, ус, дулаангүй болоод байна. Эрчим хүчний яамнаас мэдээлснээр улс даяар хэрэглэгчдийн дийлэнх нь цахилгаангүй байна. Үүнтэй холбоотойгоор НҮБ-ын Аюулгүйн зөвлөл яаралтай хуралдаж байна.
Тухайн өдрийн цохилтод 10 хүн нас барсан
Киев хотын дарга Виталий Кличко нийслэлд өдрийн цагаар хэд хэдэн дэлбэрэлт болж, дэд бүтцийн байгууламжид цохилт өгсөн тухай мэдээлэв. Хотын усан хангамжийг зогсоож, хотын ихэнх хэсэгт цахилгаан тасарсан байна. Мэргэжилтнүүд усан хангамжийн системийг сэргээхээр ажиллаж байгаа ч иргэд ямар ч тохиолдолд усаа нөөцлөх хэрэгтэйг санууллаа.
Киев рүү пуужин харвасны улмаас гурван хүн амиа алдсаны дотор 17 настай охин байгаа бол 10 гаруй хүн эмнэлэгт хүргэгдэн иржээ. Тухайн өдрийн цохилтод 10 хүн нас барсан талаар Дотоод хэргийн сайд Денис Монастырский өөрийн фэйсбүүк хуудсаараа дамжуулан мэдэгджээ.
Түүнчлэн Винница, Львов, Полтава, Харьков муж, Кременчуг хотод дэлбэрэлт болсон гэх мэдээлэл байна. Харьков, Николаев, Днепропетровск мужууд, Одесса, Львов хотод цахилгаан тасарсан байна. Львов хотын дарга Андрей Садовой "Хот бүхэлдээ цахилгаангүй байна" гэжээ.
ОХУ долоо хоногийн өмнө буюу арваннэгдүгээр сарын 15-нд Украинд томоохон цохилт долоо өгсөн. Тус улсын эрчим хүчний дэд бүтцийг сүйтгэж эхэлсэн аравдугаар сарын 10-ны халдлагаас давсан олон буюу 100 орчим пуужин хөөргөсөн юм.
Украины Зэвсэгт хүчний ерөнхий командлагч Валерий Залужный Орос нэг өдрийн дотор агаар болон далайгас 67 удаа далавчит пуужин ("Калибр") хөөргөсөн гэж мэдэгдэв. Эдгээрээс 51 далавчит пуужинг устгасан, мөн "Лансет" төрлийн таван камикадзе нисгэгчгүй онгоц устгасан. Зөвхөн Киев рүү харвасан 30 пуужингийн 20-ыг пуужин устгасан" гэж Залужный хэлэв.
Украины Гадаад хэргийн сайд Дмитрий Кулеба пуужингийн цохилтын шинэ давалгааны талаар тайлбар хийхдээ үүнийг "Европын парламент Оросыг "терроризмыг дэмжигч улс" гэж хүлээн зөвшөөрсөн" шийдвэртэй холбон тайлбарлав.
Лхагва гарагийн орой Зеленский Украины эсрэг шинэ пуужингийн довтолгооны улмаас НҮБ-ын Аюулгүйн Зөвлөлийг яаралтай хуралдуулахыг хүссэн юм. Тэрээр видео холбоосоор ярихдаа Оросыг хүн төрөлхтний эсрэг гэмт хэрэг үйлдэж байна гэж буруутгаж, Орос улс дэлхий дахинд терроризм, тогтворгүй байдал, худал мэдээллээс өөр юу ч санал болгосонгүй гэж мэдэгдэв.
"Эрчим хүчний терроризм бол үй олноор хөнөөх зэвсгийн хэрэглээний аналог юм. Температур тэгээс доош хүйтэрч, Оросын пуужингууд эрчим хүчний байгууламжуудыг сүйрүүлсний улмаас ийм үед хэдэн арван сая хүн цахилгаан, дулаан, усгүй үлдэх нь ойлгомжтой. Энэ бол "Хүн төрөлхтний эсрэг гэмт хэрэг" гэж Зеленский хэлэв.
Тийм ч учраас бид агаарын орон зайгаа хамгаалахын тулд түншүүдээсээ дэмжлэг хүсч байна. Бидэнд орчин үеийн, үр дүнтэй агаарын довтолгооноос хамгаалах болон пуужингийн довтолгооноос хамгаалах систем хэрэгтэй. Би тусалж байгаа бүх хүмүүст талархаж байна."
Зеленский мөн эрчим хүчний терроризмыг буруушаасан НҮБ-ын тогтоол батлахыг уриалав.
Харин Оросын БХЯ энэ талаар мэдээлэхдээ "Арваннэгдүгээр сарын 23-нд Оросын зэвсэгт хүчин Украины цэргийн команд, удирдлагын систем болон эрчим хүчний байгууламжид агаар, далай, хуурай газраас том хэмжээний цохилтыг алсын тусгалын нарийвчлалтай зэвсгээр өглөө.
“Зорилтод хүрсэн. Төлөвлөсөн бүх объектод цохилт өгсөн"гэжээ.
Эх сурвалж: ВВС