АНУ-д зэвсэглэсэн этгээд Walmart дэлгүүрт гал нээжээ. Цагдаа нарын мэдээлснээр буудсан этгээдийг оролцуулаад долоон хүн амиа алдаж, олон тооны хүн шархадсан гэх мэдээлэл байна.
Энэ хэрэг Виржиниа мужийн Чесапик хотод болсон гэж АНУ-ын цагдаагийн газраас мэдээллээ. Тухайн гал нээсэн этгээд нь тус дэлгүүрийн менежер байж магадгүй байна. Тэр уг үйлдлийнхээ дараа амиа хорложээ.
Орон нутгийн цагаар 22:12 цагт халдлага болсон гэж цагдаа нар сэтгүүлчдэд мэдэгдэв. Энэ хүний сэдэл одоо болтол тодорхойгүй байна.
Хотын цагдаагийн төлөөлөгч Лео Косинскигийн хэлснээр сэжигтэн ганцаараа үйлдэл хийсэн байна. Уолмарт болсон эмгэнэлт үйл явдалд цочирдсоноо илэрхийж, улмаар цагдаа нартай нягт хамтран ажиллаж байна гэжээ.
Энэ явдлаас долоо хоног хүрэхгүй хугацааны өмнө Колорадо мужид нэгэн шөнийн клубт зэвсэглэсэн этгээд гал нээсэн. Халдлагын улмаас таван хүн амиа алдаж, 17 хүн шархадсан юм.
Түүнчлэн 2019 онд Техас мужийн Эль Пасо хотын Walmart дэлгүүрт буудалцаан болж, 23 хүн амиа алдаж байв.
Эх сурвалж: ВВС