Сар руу явах замдаа Орион хэд хэдэн селфи хийжээ
НАСА-гийн “Артемида” төслийн хүрээнд өнгөрсөн долоо хоногт хөөргөсөн “Орион” сансрын аппарат сарны гадаргуугаас 130 километрийн зайтай өнгөрч, одоо илүү өндөр тойрог замд орж байна.
Энэ маневр хийх явцад хөлөг сарны алслагдсан талд байсан тул төхөөрөмжтэй холбоо 34 минутын турш тасалдсан байна.
Энэ цайвар цэнхэр цэг бол манай дэлхий юм
Холбоо тогтоосны дараа хөлөг дэлхийн зургийг удирдлагын төв рүү илгээсэн бөгөөд энэ нь хар орон зайн дэвсгэр дээр жижигхэн цэнхэр бөмбөг шиг харагдаж байна.
НАСА-гийн нислэгийн хөтөлбөрийн тэргүүн Зебулон Сковилл "Энэ бол та бидний удаан хугацааны турш бодож, мөрөөдөж байсан өдрүүдийн нэг юм. Бид сарны тойрог зам руу багийнхныг тээвэрлэх чадвартай сансрын хөлгийг нисгэсэн. Хэдэн жилийн дараа бид хүмүүсээ тийш нь дахин илгээхэд бэлэн болно. Энэ бол жинхэнэ нээлт юм.” гэж мэдэгдлээ.
Хөлөг сарны дээгүүр нисч байхдаа Аполлон 11-12-13-ын бууж байсан талбайн дээгүүр өнгөрчээ.
Флорида дахь Кеннедигийн нэрэмжит сансрын төвөөс өнөөг хүртэл хугацааны хамгийн хүчирхэг пуужин хөөргөснөөр "Артемида"-гийн хөтөлбөр өнгөрөгч лхагва гарагт эхэлсэн.
Энэ нь туршилтын нислэг хэдий ч хөлгийн бүхээгт гурван хиймэл хүн байрлуулсан бөгөөд эдгээр нь бүх төрлийн мэдрэгч, төхөөрөмжөөр хангагдсан байв.
НАСА-гийн сансрын нисгэгч Зена Кардман "Эдгээр бүх хэрэгсэл нь хөлөг дээрх нөхцөл нь хүмүүст тохиромжтой эсэхийг тодорхойлоход тусална" гэж тайлбарлав. Тухайлбал, цацрагийн мэдрэгч, хөдөлгөөн мэдрэгч, хурдатгал хэмжигч гээд ерөнхийдөө хүмүүст маш чухал ач холбогдолтой бүх аппарат хэрэгсэл байдаг." гэжээ.
Хэрэв энэ туршилтын нислэг амжилттай болбол сар руу хийх дараагийн нислэг нь манекен биш, сансрын нисэгчид байх юм.
Саранд 130 км хүртэл ойртсон "Орион" одоо илүү өндөр тойрог замд гарч, 11-р сарын 26-нд Аполлон 13-ын тогтоосон зайны рекордыг эвдэж, дэлхийгээс 400,171 км холдох ёстой. Хоёр хоногийн дараа капсул 430 мянган км замыг туулах болно.
Үүний дараа "Орион" буцах нислэгээ хийж, Сарны дэргэдүүр дахин өнгөрч, 12-р сарын 11-нд Номхон далайд буух юм.
Эх сурвалж: ВВС