Мэргэжлийн сумо бөхийн энэ сарын тэмцээн Фүкүока хотод үргэлжилж байгаа бөгөөд өчигдрийн байдлаар Сэкиваке Хошёорюү С.Бямбасүрэн, Саданоүми /М-4/-тэй учраа таарч түүнийг уватэнаге мэхээр хаяж, найман даваа, нэг унаатай болов.
Ес дэх өдрөө үргэлжилж буй тус тэмцээнд Комүсүби Тамаваши Б.Мөнх-Оргил, Ура /М-3/-г гассхохинери мэхээр давж хоёр даваа, долоон унаатай башёг үргэлжүүлж байгаа бол Комүсүби Кирибаяама Б.Лхагвасүрэн, Котоновака /М-1/-тай таарч барилдан, түүнийг уватэнаге мэхээр давж зургаан даваа, гурван унаатай боллоо.
Энэ өдөр Ичиножёо А.Ичинноров /М-2/, Хокүтофүжи /М-5/-тай барилдаж, түүнд ошидаши мэхээр унаж хоёр даваа, долоо унаатай байгаа бол Чиёошома Г.Мөнхсайхан /М-10/, Мёогирюү /М-7/-тэй таарч барилдан, түүнд ёритаоши мэхээр унаснаар зургаан унаа, гурван даваатай башёг үргэлжлүүлж байна.
Мөн энэ өдөр Азүмарюү С.Тодбилэг /М-14/, Такарафүжи /М-8/-тэй хүч үзэж, ёрикири мэхээр давснаар таван даваа, дөрвөн унаатай болов.
Озэки Шодай, Комүсүби Дайэйшо-той барилдаж, түүнд ошидаши мэхээр унаж, дөрвөн даваа, таван унаатай болоод байна.
Озэки Такакэйшёо, Комүсүби Тобизарюү-д ошидаши мэхээр унаснаар 6 даваа, 3 унаатай байгаа бол Сэкивакэ Митакэүми, Вакамотохару /М-4/-д ёрикири мэхээр унаж дөрвөн даваа, таван унаатай башёг үргэлжлүүлж байна.
Харин Сэкиваке Хошёорюү С.Бямбасүрэнгийн хамт башёг тэргүүлж явсан Такаяасү /М-1/ энэ өдөр Мэйсей /М-2/-тэй учраа таарч барилдан, түүнд ёрикири мэхээр ойчиж, хоёр унаатай боллоо.
