НАТО-гийн орнууд цэргийн нийт зардлаа 2014 онтой харьцуулахад 350 тэрбум доллараар нэмэгдүүлсэн. Энэ тухай НАТО-гийн Ерөнхий нарийн бичгийн дарга Йенс Столтенберг Мадрид хотноо болсон тус холбооны парламентын ассамблейн хуралдааны үеэр мэдэгдсэнийг ТАСС агентлаг уламжлав.
“2022 он бол бид батлан хамгаалахын зардлаа нэмэгдүүлсэн найм дахь жил болно. 2014 оноос хойш батлан хамгаалахад зарцуулж байгаа нэмэлт санхүүжилт оны эцэс гэхэд 350 тэрбум долларт хүрнэ” гэж НАТО-гийн Ерөнхий нарийн бичгийн дарга мэдэгдэв.
Өмнө нь Столтенберг Швед, Финлянд улс терроризмын эсрэг хууль тогтоомжоо чангатгах хэрэгтэй гэж дүгнэсэн юм. Тэрээр 30 улсаас 28 нь Хельсинки, Стокгольмыг НАТО-д элсүүлэхийг аль хэдийн зөвшөөрсөн ч Турк үүнийг хараахан хийгээгүй гэдгийг тэрээр дурдав.
Эх сурвалж: Лента.ру