Нийслэлд орж эхэлсэн цасыг арилгах ажилд Хот тохижилтын газар болон зам цэвэрлэгээний байгууллагууд хүндрэлтэй нөхцөл байдал үүсэж болзошгүй даваа гүвээ, зам талбайд халтиргаа гулгаанаас хамгаалах зориулалтын давс, бодис цацахаар машин техникт ачилт хийн, хариуцсан замуудад ажиллахаар бэлэн байдлыг хангаж байна.
Дүүргүүдийн нутаг дэвсгэрт худалдаа, үйлчилгээ эрхэлж буй аж ахуйн нэгж байгууллага, төрийн байгууллагуудад орчны 50 метрийн цэвэрлэгээг хийж ажиллах үүргийг өгсөн.
Яг одоо Энхтайвны өргөн чөлөө, Чингисийн өргөн чөлөө, гүүрүүд болон Наадамчид, Их тойруу, Шархад, Монел, Хувьсгалчдын гудамж, Гэмтлийн өгсүүр болон уруу, Зайсан, Уулын зам, Бага тойруу, Галдан бошигтын гудамж, Нарны замд эхний эргэлтээр нийт 34 тонн давс, 29 тонн бодисыг 13 камаз, 1 портер машинаар цацаж байна.
Өнөөдрийн цас шөнийн 2 цаг хүртэл орох мэдээтэй байгаа бөгөөд холбогдох байгууллагууд хэвийн ажиллагааг ханган ажиллаж байна гэж НЗДТГ-аас мэдээллээ.
