ОХУ энэ оны 10 сарын байдлаар өнгөрсөн оны мөн үетэй харьцуулахад гурил, үр тарианы экспортоо бараг гурав дахин нэмэгдүүлсэн гэж тус улсын Хөдөө аж ахуйн яам мэдээллээ.
Түүгээр ч барахгүй гурилын нийлүүлэлтэд хамгийн өндөр динамик ажиглагдаж, бараг дөрөв дахин өссөн байна. Ийм өсөлттэй хувь хэмжээ нь үйлдвэрлэл ихээхэн нэмэгдсэнтэй холбоотой юм. Тухайлбал, 1-9-р сард өнгөрсөн оны мөн үетэй харьцуулахад үлдвэрлэл 5.3% -иар нэмэгдэж, 6.9 сая тонн орчим болсон" гэж тодрууллаа.
Гурилын гол худалдан авагчид нь Гүрж байсан бөгөөд тус улсын худалдан авалт 8.9 дахин, Афганистан улсынх 9.7 дахин өссөн байна. Түүнчлэн Турк улс энэ талаар хамгийн өндөр динамикийг харуулж байна. Тодруулбал, 140 дахин өссөн. Оросын үр тарианы гол импортлогчдын дунд Гүрж, Азербайжан, Беларусь орж байна.
Үр тариа экспортлогчдын холбооноос мэдээлснээр, энэ оны эхний 10 сарын байдлаар урьдчилсан тооцоогоор гурилын экспорт өмнөх оны 165,1 мянган тоннтой харьцуулахад 632,000 орчим тонн болж өссөн байна. Түүнчлэн өнгөрсөн оны долдугаар сард 15.58 мянган тонныг экспортолж байсан бол энэ жилийн мөн үед 69.28 мянган тонныг экспортолж, долдугаар сард хамгийн их өсөлт гарсан байна. Дараагийн саруудад нийлүүлэлт 66-67 мянган тонн байна.
Үүнээс гадна сагаган буудайн экспорт энэ оны эхний есөн сарын байдлаар өмнөх оны мөн үеийн зургаан мянган тоннтой харьцуулахад 15.279 мянган тонн болсон байна. Өнгөрсөн оны есдүгээр сард экспортын 1.525 мянган тонн буудай тээвэрлэж байсан бол энэ жилийн тухайд 1.835 мянган тонн болж өссөн байна.
Эх сурвалж: Interfax.ru