Засгийн газраас "Эрдэнэс-Тавантолгой" ХК-д онцгой дэглэм тогтоож, бүрэн эрхт төлөөлөгч томилж, бүх гэрээг нээлттэй болгох ажлыг эхлүүлээд буй. Тус компани дээрх бүх гэрээг ил тод болгож байгаагийн цаана бүртгэлгүйгээр гаргасан нүүрсний тоо хэмжээ, цаад хамаарлыг олж тогтоохоор ажиллаж байгааг мэдээлсэн.
Тэгвэл АТГ-аас өчигдөр үдээс өмнөөс эхлэн 'нүүрсний хулгай'-н хэрэгт холбогдуулан 24 объектод нэгжлэг хийж, 33 хүнийг дайчлан байцаасан гэж эх сурвалж мэдээллээ.
Тухайлбал, урьд шөнө Тавантолгой төмөр зам ХХК-ийн хэд хэдэн объектод нэгжлэг хийж, тус компанийн гүйцэтгэх захирал Н.Удаанжаргалыг байцаасан байна. Цаашлаад АТГ-аас "нүүрсний хулгай"-н хэрэгт холбоотой хэд хэдэн хүнийг яллагдагчаар татах, дайчлан баривчлах саналыг прокурорт хүргүүлэх бололтой.
