Нийслэлийн Иргэдийн төлөөлөгчдийн хурлын ээлжит хуралдаан өнөөдөр /2022.11.17/ болж байна. Нийслэлийн иргэдийн төлөөлөгчдийн хурлаар нийслэлийн ерөнхий архитектор Н.Нацагдоржийг огцруулах хүсэлтийг хотын даргад хүргүүлээд хоёр сар болсон хэдий ч одоог хүртэл ямар нэгэн хариу өгөөгүй байгаа юм. Энэ асуудлын талаар нийслэлийн иргэдийн төлөөлөгчдийн хурлын төлөөлөгч Б.Сүхбаатараас тодрууллаа.
Тэрбээр, “Засаг даргад иргэдийн хурлын төлөөлөгчид албан шаардлага хүсэлтийг өгсөн. Үүн дээр АН-ын төлөөлөгчдөөс бусад нь гарын үсэг зурсан байгаа. Албан ёсоор татгалзсан. Бид нар ямартай ч Засаг даргад хүсэлтээ өгсөн. Одоо Засаг даргын бүрэн эрхийн асуудал. Иргэдийн хурал бол Засаг даргын харьяаны албан хаагчийг халж чөлөөлөх эрх байдаггүй. Миний ойлгосноор хүсэлтийн дагуу арга хэмжээ авч, ноогдуулсан гэж сонссон. Одоо албан бичгийн хариу ирэх байх” гэлээ.