Монгол Улсын Ерөнхий прокурор Б.Жаргалсайханыг чөлөөлж, түүний оронд Цагдаагийн ерөнхий газрын дарга асан Р.Чингисийг томилохоор тохирсон гэх ташаа мэдээлэл зарим хэвлэл мэдээллийн хэрэгслээр гараад эхэлжээ. Эх сурвалжийн мэдээлж буйгаар Р.Чингисийг Ерөнхий прокурорын албанд томилох яриа хэлэлцээ хөшигний ард хийгдэж байгаа гэх мэдээлэл нь ташаа гэлээ.
2019 оны дөрөвдүгээр сарын 5-ны өдөр тухайн үеийн Ерөнхийлөгч Х.Баттулгын зарлигаар Банзрагчийн Жаргалсайханыг Монгол Улсын Ерөнхий прокуророор томилж байсан бөгөөд тэрбээр 2009 оноос хойш прокурорын байгууллагад ажилласан хашир, туршлагатай мэргэжилтэн юм.
Сүүлийн үед анхаарлын төвд байгаа “нүүрсний хулгай”-н ард хэн гэдэг улстөрч, хэн гэдэг хүн байдаг вэ гэдэг асуудлыг эцэслэх, удахгүй шүүхэд шилжинэ гэх амлалтуудыг нь биелүүлж чадах туршлагатай мэргэжлийн хүн ажиллаж байгаа энэ үед Монгол Улсын Ерөнхий прокурорыг солиулах бор шувуу нисгэх нь хэнд ашигтай вэ?
