-"Коммерсант": ОХУ, АНУ Анкарад Гадаад тагнуулын албаны дарга Нарышкины оролцоотой хэлэлцээ хийж байна.-
Туркийн нийслэл Анкара хотноо арваннэгдүгээр сарын 14-нд Орос, АНУ-ын төлөөлөгчдийн хэлэлцээ болж байгаа тухай тухай Коммерсант мэдээлэв.
Эх сурвалжийн мэдээлж буйгаар энэхүү хэлэлцээрт ОХУ-ын Гадаад тагнуулын албаны захирал Сергей Нарышкин оролцож байна. Хэлэлцээрийн нарийн ширийн зүйл, зорилго одоогоор тодорхойгүй байна. Өмнө нь ийм уулзалтыг олон нийтэд зарладаггүй байсныг мөн тэмдэглэсэн байна.
Арваннэгдүгээр сарын эхээр АНУ-ын Үндэсний аюулгүй байдлын зөвлөлийн хэвлэлийн төлөөлөгч Адриен Ватсон АНУ Орос-Америкийн харилцааны талаар Оростой шууд хэлэлцээ хийж байгаа, Украины мөргөлдөөний сэдвийг хөндөөгүй гэж тайлбарласан удаатай. "Үүний цорын ганц зорилго бол АНУ, ОХУ-ын хоорондох эрсдэлийг бууруулах асуудлыг хэлэлцэх явдал юм" гэж тэр тодотгож байв.
Түүнчлэн Стратегийн довтолгооны зэвсгийг хорогдуулах, хязгаарлах тухай гэрээний дагуу Орос, АНУ-ын харилцаа холбоо үргэлжилж байгаа талаар мэдээлээд байна.
11-р сарын сүүлээс 12-р сарын эхээр ДСНВ-3-ын асуудлаарх хоёр талын комиссын хурал болж магадгүй байгаа нь Украинд Оросын тусгай ажиллагаа явуулж эхэлснээс хойшхи анхны хурал юм.
Тодруулахад ДСНВ буюу Стратегийн давшилтын зэвсгийн гэрээ 2021 оны 2-р сарын 5-нд дуусгавар болох ёстой байв.
Туркийн эрх баригчид Анкара хотноо эхэлсэн Орос, АНУ-ын хоорондын нууц яриа хэлэлцээний талаарх мэдээлэлд тайлбар өгөхөөс татгалзсан байна.
Эх сурвалж Лента.ру