Дархан-Уул : Олон Улсын Улаан загалмайн хөдөлгөөн үүссэний 103 жилийн ойн хүрээнд Дархан-Уул аймгийн Улаан загалмайн хороо 15 ажил хийхээр төлөвлөжээ. Үүний хүрээнд Орхон суманд “нээлттэй хаалганы өдөрлөг”-ийг энэ сарын 27-ны өдөр зохион байгууллаа. 
Уг арга хэмжээ “Хүмүүнлэг зүрх” уриан дор болсон бөгөөд МУЗН-ийн үйл ажиллагааг сурталчилан таниулах, хүмүүнлэгийн үйлсийг түгээн дэлгэрүүлэх, гишүүд, дэмжигчид, сайн дурынханы эгнээг өргжүүлж хүн бүрийг хүмүүнлэг энэрэнгүй байхад чиглэдгжээ.
Өдөрлөгийн эхэнд Дархан-Уул аймгийн УЗХ-ны дарга Б.Отгонбаяр үйл ажиллагааны чиглэл, ивээн тэтгэгч онцгой гишүүдийн онцлог, энн оны эхний улиралын байдлаар хийгдсэн ажлын талаар танилцуулсан. Тодруулал 2022 оны эхний улиралын байдлаар 44.800.000 төгрөгийн хүмүүнлэгийн тусламжийг олгожээ. 
Үүнээс томоохон ажлын нэг нь өнгөрсөн долоо хоног зохион байгуулсан Сүрьеэ өвчний хяналтад байдаг иргэдэд хүнс, ахуйн хэрэглээний бүтээгдэхүүнийг өгсөн юм.
Өдөрлөгийн үеэр Орхон сумын ёсдүгээр цэцэрлэгийн нийт бяцхан сурагчид улаан загалмайн гишүүн болж бүч зүүсэн бол багш ажилчдад батламж гардууллаа. Түүнчлэн Орхон сумын “Тохижилт үйлчилгээ” ОНӨААТГ-ын хамт олон ивээн тэтгэгч, онцгой гишүүнээр элсэлж батламжаа авсан.
Тухайн сум МУЗН-ийн 400 гаруй гишүүнтэй аж. Гишүүнчлэлийн хүрээгээ тэлж энэ өдөр ч мөн 200 гаруй гишүүн шинээр элссэн юм. 
Тэдний төлөөлөл нь дээрх хоёр байгууллага бол Энхтал багийн таван иргэн сайн дураараа элсэж энгэрийн тэмдэг батламжаа гардан авлаа. Мөн “Хүмүүнлэг хүүхэд” алтан медалиар МУЗН-ийн ивээн тэтгэгч, онцгой гишүүнээр гурван жилийн өмнө элссэн сурагч Э.Болор-Эрдэнэ шагнагдлаа.
Хүмүүнлэгийн өдрийг угтан зохион байгуулагдсан өдөрлөгийн хүрээнд тус сумын Багийн судалгааг үндэслэн хоёр Багийн таван өрхөд хүнсний тусламж үзүүллээ. Түүнчлэн 120 гаруй хувцас, хэрэглэлийг анхан шатны хороогоор дамжуулан иргэдэд хүргэн ажиллав.
Өдөрлөгийн үеэр ивээн тэтгэгч, онцгой гишүүн дуучин МУСТА Д.Энхбат ая дуугаа өргөлөө. Дарханчууд энэ жилийн тухайд ирэх сарын долооны өдөр “Хүмүүнлэгийн өдөр”-ийг тэмдэглэн өнгөрүүлэх аж.
