Украины Ерөнхийлөгч Владимир Зеленский өчигдөр Украины нийслэл Киевт айлчилж буй НҮБ-ын Ерөнхий нарийн бичгийн дарга Антонио Гутерриштэй уулзлаа. Уг уулзалтаар Мариуполь хотын иргэдийг нүүлгэн шилжүүлэх зэрэг асуудлыг хэлэлцсэн байна.
А.Гутерриш хэлэхдээ "НҮБ бүх талаар гал зогсоохын төлөө зүтгэж, хүмүүнлэгийн коридорыг баталгаажуулах, зарим газарт гал зогсоох, энгийн иргэд болон эд материалын нийлүүлэлтийн аюулгүй байдлыг хангах зэрэг хүний амийг аварах, гашуун зовлонг багасгах бодит арга хэмжээ авахыг хичээнэ" гэжээ.
