БНХАУ-ын Төрийн зөвлөлийн Гаалийн тарифын комиссын албанаас мэдээлснээр тус улсын эрчим хүчний хангамжийн аюулгүй байдлыг бэхжүүлж, чанартай хөгжлийг ахиулахын тулд 2022 оны 5-р сарын 1-нээс 2023 оны 3-р сарын 31-ний өдрийг хүртэл нүүрсний импортын татварыг түр тэглэх бодлого хэрэгжүүлнэ.
Хятад улс өмнө нь импортын нүүрсэнд 3%, 5%, 6%-ийн татвар ногдуулж байсан ба энэ удаад тэглэж байна. "Эрчим хүч бол эдийн засаг, нийгмийн хөгжлийн үндсэн тулгуур юм. Нүүрсний импортын тарифыг шинэчлэн тогтоосноор сүүлийн үед үүсээд байгаа гадаад дотоодын ээдрээтэй нөхцөл байдлыг даван туулах, нүүрсний импортыг дэмжих, нүүрсний нийлүүлэлтийн баталгааг бэхжүүлэхэд ач холбогдлоо өгөх болно." хэмээн БНХАУ-ын хэвлэл мэдээллэлийн хэрэгсэлүүд мэдээлжээ.
