Сэтгүүлч Б.Ганчимэг өөрийн цахим хуудаснаа " Дан худлаа хуцахаа боль. Өглөөнөөс үдшийн бүрий болтол хараал зүхэл үйлдвэрлэж суудаг хэдэн сэтгүүлч нар байна. Үнэхээр залхмаар бохир зүхэлчингүүд болжээ, та хэд маань. Болиоч ээ. Яг гоё факт гаргаж ирээд ганган бич л дээ. Зарим сэтгүүлчид шүлстэй пост үйлдвэрлээд л нийгмээ улаан шороогоор булж суух юм. Бүх балиар буллиг та нар эхлүүлж, та хэд хөгжөөж харагдах юм. Жаахан ич л дээ.
Доод үе чинь нэг хэсэг нь илт маш цэвэрхэн , тодорхой стандартад ажиллаад тасраад явчихлаа ш дээ. Гэтэл та хэд яаж байна. Нийгэм даяараа шоолцгоож, санаа зовнин хэлцгээж байна шүү дээ. Монголын сэтгүүл зүйг та хэд цахим орчинд яаж харагдуулж байна вэ. Хэн чинь яг юу хийв?
Хамгийн сүүлд бичсэн нийтлэлүүдийг тань унших гээд алга. Иж бүрэн гоё сурвалжлага, тэмдэглэл хайгаад алга. Та хэд нийгмийн дарга биш ээ. Үүнийгээ ойлгооч. Та нарын ихэнхээс харсан болгоноо тасдаж идэх гэж дайрдаг араатанлаг шинжээс өөр юу ч уншигдахгүй байна.
Энд л хар ярианы, хамгийн бохир үгсээр хулдсан хараал зүхэл, худал гөрдлөг, ичгүүргүй гүтгэлгээр тургицгааж харагдах юм. Тэр нь ядаж завсарлага ч байхгүй. Нийгмийн уур амьсгалыг ямар гээчийн аймшиг болгож хувиргав аа, та нар.
За, одоо ингэж хэллээ гээд намайг хараацгаа даа. Угаасаа хараахаас өөр юу хийсэн юм та нар. Одоо бүр дэн бариад зогсож байсан юм шиг л ор хөнжлийн домог үйлдвэрлэж суудаг болж. Шившиг бус уу.
Худлаа энэ сошилд сэтгүүлчийн эрх ярьж уйлан бархирч, улин орилолдож байгаад шүүхэд ч очдоггүйгээрээ бүр түрий бариад сурчихсан. Үнэндээ би л хэллээ шүү. Одоо жаахан ич. Ултайхан, мэргэжлийн бай л даа. Ёстой мораль яривал уланд оччихлоо шүү дээ. Уучлаарай, тэссэнгүй ил хэллээ." гэжээ.
