Өнөөдөр өглөө УИХ-ын гишүүний Халдашгүй байдлын дэд хороо хуралдаж, Ерөнхий прокурорын саналыг хэлэлцэнэ. Үргэлжүүлэн 10.00 цагаас Хуульзүйн байнгын хороо, 11.00 цагт Төрийн байгуулалтын байнгын хороо хуралдаж, гишүүдийн бүрэн эрхийн асуудлыг хэлэлцэнэ. Харин чуулганы нэгдсэн хуралдааныг 14.00 цагаас зарласан байна. Харин Халдашгүй байдлын дэд хорооны дарга Н.Энхболд Ковид туссан хэмээн ажилдаа ирэхгүй байгаа. Хэрэвзээ түүнийг ирэхгүй бол тус дэд хорооны үлдсэн 4 гишүүн нь хуралдаад ямар нэгэн шийдвэрт хүрч чадахгүй.
Улсын ерөнхий прокуророос УИХ-ын гишүүн Ё.Баатарбилэг, Н.Алтанхуяг, Г.Амартүвшин, Х.Ганхуяг нарыг эрх мэдэл, албан тушаалаа урвуулан ашигласан үндэслэлээр яллагдагчаар татаж, бүрэн эрхийг нь түдгэлзүүлэх саналыг УИХ-д оруулаад байгаа. Харин түүний санал "Мордохын хазгай" гэгчээр Дэд хороон дээр ирээд гацчихаад байгаа нь ЭНЭ.
