Монголын волейболын шилдэг тамирчдын нэг, “Натур мед Ноён” багийн тамирчин Т.Хангал Тайланд улсын волейболын лигт тоглохоор өнөөдөр эх орноосоо мордлоо. Тэрээр цахим хуудаснаа “Өнөөдөр миний мөрөөдөл биеллээ. Арван жилд есдүгээр сарын 1-нд хичээл орох болгонд багш маань мөрөөдөл бичүүлж авдаг байлаа. Жил болгон мөрөөдлөө бичих цаасан дээр би гадаадад лигеонер тамирчнаар тоглоно гэж бичиж ирсэн мөрөөдөл маань биеллээ. Миний бие Тайланд улсын волейболын лигт тоглохоор өнөөдөр эх орноосоо мордож байна. Хайртай бүхнээ орхин энэ шийдвэрийг гаргахад амаргүй байлаа. Намайг дэмжиж тусалж байдаг Монголын волейболын холбоо, “Натур мед” клубийн хамт олон баг тамирчид, найз нөхөд, багш нар, хамаатан садан, аx эгч, гэр бүлийнхэндээ талархаж явдгаа илэрхийлье” гэжээ.
