Европын эдийн засгийн байдал цаашид муудсан тохиолдолд Барууны орнууд Оростой хэлэлцээр хийхээс өөр аргагүй болно гэж Британийн Guardian сонинд бичжээ.
Уг нийтлэлийг бичсэн тоймчдын үзэж байгаагаар Москватай дипломат яриа хэлэлцээрт орох өөр нэг чухал хүчин зүйл нь АНУ-ын эдийн засгийн уналт болно гэв.
"Эдийн засгийн ачааллыг бууруулахад тус дөхөмтэй бол асуудлыг зохицуулах уриалга илүү бодитой болно гэж хэлэхэд хэтрүүлсэн болохгүй" гэж хэвлэлд бичжээ.
Европын холбооны хамгийн том эдийн засагтай Герман улс эрчим хүчний үнийн өсөлтөд нэрвэгдсэн хэрэглэгчид болон бизнес эрхлэгчдэд туслахын тулд 200 тэрбум доллар зарцуулсан гэдгийг дурджээ. Түүнчлэн өнгөрсөн улиралд дотоодын нийт бүтээгдэхүүн буурсантай холбоотойгоор Франц, Испани улс хямралтай нүүр тулаад байна.
Үүнээс гадна, евро бүсэд инфляци түүхэн дээд хэмжээнд хүрч, аравдугаар сард 10.7 хувь болов. Балтийн орнуудад шатахуун, хүнсний бүтээгдэхүүний үнэ огцом нэмэгдсэний улмаас энэ үзүүлэлт 22 хувиас давжээ.
"Украины мөргөлдөөн хурцдаж, Орос, НАТО-г шууд сөргөлдөөнд оруулах магадлал үргэлж байсан хэвээр байна. Иймээс дипломат арга замаар ийм үр дүнд хүрэхгүй байх саналыг талархан хүлээж авах ёстой" гэж нийтлэлийн зохиогчид дүгнэжээ.
Украин дахь Оросын тусгай ажиллагаа эхэлсний дараа барууны орнууд Москвад тавьсан хориг арга хэмжээгээ нэмэгдүүлсэн боловч үүний улмаас АНУ болон Европт шатахууны үнэ нэмэгдэж, инфляци рекорд тогтоогоод байна.
Ерөнхийлөгч В.Путины онцлон тэмдэглэснээр, Оросыг хязгаарлах, сулруулах бодлого нь барууныхны хувьд урт хугацааны стратеги боловч хориг арга хэмжээ нь дэлхийн эдийн засагт бүхэлдээ хүнд цохилт болсон. Түүний хэлснээр, АНУ болон түүний холбоотнуудын гол зорилго бол олон сая хүний амьдралыг улам дордуулах явдал юм гэсэн нь биеллээ олж байна.
Эх сурвалж: РИА новости
