Бидний амьдралд өдөр тутам ямар нэгэн асуудал гарсаар л байдаг.Зарим нь тэрхүү асуудлаа “зовлон” хэмээн нэрлэж, түүнээс болж уйтгар гунигт автаж, тэр бүү хэл амьдралаас залхах нь ч бий. Харин тэрхүү зовлон гээч зүйл нь хүн бүрт харилцан адилгүй “хэмжээтэй” байх агаад бүгд л өөрийгөө “зовж байна” хэмээн бат итгэнэ. Тэгвэл өнөөдөр таны мэдрээд буй тэр зовлон үнэхээр бодит зовлон мөн үү. Эсвэл та зүгээр л баашлаад байна уу. Та зүгээр л амьдрахын төлөө зүтгэхээс шантарсандаа өөрийгөө зовж байна хэмээн бодоод байна уу. Хайртай хүнээ санаж ганихрах, ажил төрөл нь бүтэмжгүй болох, мөнгө санхүүгийн гачаалд орох,өвдөх гээд хүсэвч үл ирэх тэр бүх зүйлс бидний сэтгэлийг зовоодог нь үнэн. Хүн амьдралын төлөө хэзээ ч үл шантран зүтгэж, өвдөг сөгдөн унах үедээ босч чадах сэтгэлийн тэнхээтэй байна гэдэг юутай бахархалтай. Харин тэр асуудлуудын өмнө өвдөг сөхрөх дээрээ тулах тэр үедээ өөрийнхөө юу хүсэж байгааг чагнаад нэг үзээрэй. Үүний нэгэн тод жишээ болох Жүжигчин Ж.Баясгалан өөрийн фейсбүүк хуудсандаа :
" Баяртай гунигтай нулимастай 2000 хоног өнгөрчээ! Энхрий үрсээ тэвэрч өргөөд эхнэрээ энхрийлж хайрлаад аав ээж ах дүү найз нөхөдтэйгээ цуг алхах 48.000 цаг өвдөж өнгөрөөжээ! Эрүүл хүн шиг алхах юмсан. Өвдөхгүй 1 цаг байж өөрөө босож үзэхсэн. Машин барьж морь унахгүй ч гэсэн мөлхөөд ч болохноо урагшилна аа. Амьдрах амттай ч гэсэн арай л их өвдөх юм. Үхэх бодол хааяа төрдөг ч үхэж болохгүй үүрэг хариуцлага надад бий! Бусдад хэрэгтэй зүйл хийж би урт наслах ёстой. Би заавал алхах ёстой. Эмчлэх эмчилгээ гарч л таарна. Зовлон мөнх биш Жаргал ирнэ ээ! Би итгэж байна." хэмээн нийтэлжээ. Та бүхэнд аз жаргал, эрүүл энх хамгийн сайн сайхныг хүсье.
